Si Gonzalo Co, isang 94-anyos na imbentor na nagsimula ng Gonzalo Laboratories na gumawa ng Green Cross Rubbing Alcohol at Zonrox. Siya ang kuya ng apat niyang mga kapatid na kanyang pinasok sa kanyang kumpanya.

Ang malungkot na nangyari kay Gonzalo ay ang kanya mismong mga kapatid na sa awa niya sa kanila ay binigyan niya ng trabaho sa kanyang kumpanya ay pinagsamantalahan ang kanyang kabaitan at inangkin ang kanyang tinayong Gonzalo Laboratories (na naging Green Cross, Inc.) Ang kanyang trademark sa kanyang dinebelop noon pang 1952 ay wala na rin sa pangalan niya dahil sa isang corrupt na babaeng hearing officer ng Intellectual Property Office sa Taguig.

Sa ngayon, ang kanyang mga kapatid ay nakatira sa mansion sa Ayala Alabang, habang ang kuya nila na nagsimula ng lahat at nagpayaman sa kanila ay nasa Pasay pa rin ang bahay.

Sa ngayon, ang nilalakad sa Intellectual Property Office (IPO) ni Gonzalo Co ay ang kanyang mga trademark para sa Green Cross Alcohol at Zonrox.

Nagulat na lamang ang matanda dahil sa preliminary conference pa lamang, ang hearing office na isa ring abogada ay binalewala at hindi tinanggap ang mga dokumento ng matanda na nagpapatunay na siya ang may-ari ng trademark ng Green Cross at Zonrox.

Ang lahat ng ebidensiya ng matanda ay binalewala ng babae kahit sa IPO naman ay hindi nila sinusunod ang technical rules of evidence na ginagamit sa mga korte. Halos lahat ng patunay ng matanda na siya ang may-ari ng trademark ay binalewala. Nagreklamo siya ngunit ayaw siyang pagbigyan ng hearing officer.

Kaya, sinampahan ni Gonzalo ng kaso sa Ombudsman ang babaeng abogada ng IPO. Humihingi ng paliwanag ang Ombudsman sa abogada ba dapat niyang sagutin ngayong linggo. Mabuti naman at may lakas pa ang matanda na kaya pa niyang ipaglaban ang kanyang karapatan. Ayon na rin sa mga katrabaho nitong babaeng abogada, mahilig ang babae sa mga mamahaling damit, sapatos at alahas kung kaya siya ang pinipili ng maraming abogado na maging hearing officer sa mga kaso nila sa IPO. Madali yatang kausapin basta may lagay.

Akala ko pa naman, walang corrupt sa IPO gaya ng Taguig na ayon sa kanilang alkalde ay “Walang Korup sa Taguig.”